Резултат 2: Законска и регулаторна рамка
Фокусот на Резултат 2 од Програмата за управување, користење и заштита на води е да се поддржат надлежните министерства во процесот на развивање соодветна законска и регулаторна рамка за интегрирано управување со водните ресурси.
Нашите активности се насочени кон зголемување на ефективноста на правната рамка преку измени на постоечките закони и регулативи. Се работи на создавање поволна средина со соодветни политики, стратегии и закони, чија крајна цел е да овозможат одржливо и долгорочно управување, користење и заштита на водните ресурси.
Зголемувањето на правната ефективност ќе се постигне преку поддршка на усогласување на националното законодавство со релевантните директиви на Европската Унија, како и со консолидирање на постојната правна рамка. Тимот на Програмата, исто така, ќе придонесе и за исполнување на пристапниот процес во ЕУ и на Агендата на ОН за одржлив развој 2030.